Aaj lahore mein jo kuch hova us ko sun ker to dil bhar aya.. itna ghum hova key insan bata bhi nahen sakta. akhir yeh kia ho reha hai meray pyarey watan key sath ....
ab mujhay apna bachpan yaad ata hai key jab Pakistan bilkul seedha sadha hota tha, sab log aik doosray sey pyar kertay they.. aur har Pakistani apney Pakistani honey per fakhar kerta tha..
Jab main college key zamaney mein tha to kabhi socha bhi nahen tha key aisa kuch bhi ho sakta hai wo bhi humarey mulk key sath... mujhay achi tarha yaad hai key jab kisi cheez ka darr nahen hota tha.. jo insan chahey jahan marzi aa jaa sakta tha.... kia azaadi thee wo bhi , kia sansein thein , kia sakoon tha , kia ronaq thee... Pakistan mein ghurbat to thee laikin iss hadh tak nahen thee key jitni aaj hai. ghum tha laikin itna zayada nahen tha key dimagh ki nas phatney ko aa jaey ... aur sukh chain jo tha wo bhi sab asli tha .... ab to har cheez hee beronaq ho gai hai. ghurbat apney arooj per hai. jo rishwat khori kabhi chup ker hoti thee aaaj sar-e-aam ho rehi hai. jo jhoot insan chup ker bola kerta tha aaj sab key samney bola jata hai..
haaaan aik baaaat main pooray yaqeen sey keh sakta hoon key fahashi to kabhi nahen thee meray watan mein. yeh moderate Pakistan ki ideology ney hamein kia diya hai,,, kabhi Pakistanion ko is per bhi ghore kerna chahyeh...
Humarey watan ki auratein , sab ki maein aur behanein thein .. aaj ,,,,,, aaaaaj .,,,,,aaj kon soch sakta hai key aaj sey 10 saal pehlay bhi aik Pakistan hota tha?
jaisey jawan honey key baad bachpan aik aisa khawab lagta hai key jo kabhi neend mein daikha tha... aaj Pakistan ko daikh ker bhi aisa hee lagta hai key purani batein to shayad ab khawab ho ker hee reh gai hein ....
Pakistani to itnay ghairat mand hotay they key jin ki misalein poori duniya mein thein ,,,,,, aaj kahan gai hai wo ghairat ? aaj kaisey yeh sab ho reha hai key masoom insanon ki jaan ley li jati hai?
kisi ney sach hee kaha tha key Khuda us qoam ki halat kabhi nahen badlta jo apni halat khud badlna na chahey...hum sab aaaj aik doosray ko ilzam daitey hein key Pakistan mein yeh kyun ho reha hai aur wo kyun ho reha hai. kabhi hamein apney geerban mein bhi daikhna chahyeh key akhir kahen hum to pehlay sey zayada gunah gar to nahen ho gaey hien ...... isi tarha har insan apney aap per nazar daley to poori qoam ko apney gireeban mein jhank ker shayad kuch sharam aa jaey......